Nia sano ne estas ĉefe regata de Eŭropa Unio, sed de la ŝtatoj. Tamen, la opinioj de loĝantoj el diversaj landoj tre malsimilas pri la farota politiko...

2019 estis jaro de Eŭropa baloto por ĉiuj civitanoj de Eŭropa Unio. Pri ni, estis esploro Eŭrobarometro kies temo estis "Eŭropanoj en 2019". Inter aliaj demandoj, oni demandis la opinion pri la porsana politiko kiu estus farota en Eŭropo. Rezultoj estas tre diversaj laŭ la landoj, multe pli diversaj ol laŭ la sociaj grupoj.

Maltanoj, Hispanoj kaj Italoj deziras pli da kuracaj esploroj. Nederlandanoj, Latvoj kaj Finnoj deziras pli facile pageblajn kuracadojn. Francoj kaj Germanoj (ambaŭ el orienta parto kaj okcidenta parto) deziras pli da porkuracaj laboristoj en kamparaj regionoj. Por scii pli, legu la pdf-dosieron pri porsanaj politikoj dezirata de Eŭropanoj en 2019.